Ostirala,
2024ko Martxoak29

MugaKultura

loader-image
Durango
2:25 pm,
temperature icon 12°C
Humidity 70 %
Ráfagas de viento: 15 Km/h

‘El Brujo’, Charo Lopez edo Vanessa Goikoetxea durangarra, San Agustinaren 25. urteurreneko programazio berezian

MUGA Kultura
25. URTEURRENEKO PROGRAMAZIO BEREZIA

El Brujo, Charo Lopez edo Vanessa Goikoetxea izango dira San Agustinaren 25. urteurreneko programazio berezian. Sarrerak datorren asteartean jarriko dira salgai 10:00etan, zentro eszenikoko ohiko salmenta-kanal guztietan.

Otsailaren 11n | Man Up – In Vilo Antzokia

Otsailaren 26an | Go! azen 9.0 – Glu Glu

Martxoak 5 | Bizarrak 2.0 – Aitziber Garmendia, Ane Gabarain, Itziar Atienza, Getari Etxegarai

Apirilak 7 | Muertos de Risa – Los Galindos

Apirilak 29 | Andre gorria hondo grisarekin – José Sacristán

Maiatzaren 13an | Ur irekien igerilaria – Adolfo Fernández

Ekainak 24 | Hegazkingileak – Noxtralamus

Irailaren 23an | Migratzaileak – Aukeran Dantzan

Urriaren 7an | Vanessa Goikoetxea – 25. urteurreneko kontzertu bereziak

Azaroaren 4a | Bertsoa – Charo López

Azaroaren 11n | Sant Andreu Jazz Band

Abenduak 17 | Komikoa – Rafael Álvarez El Brujo ‘

1998an inauguratu ondoren, Durangoko San Agustin Kulturguneak 25 urte bete berri ditu. Horregatik, ostiral honetan gala bat ospatu da aipatutako antzokian, eta bertan San Agustinek datozen hilabeteetarako prestatu duen programazio berezia aurkeztu du. Dantza, antzerki eta umore dosi handiarekin, San Agustinek hurrengo hilabeteetan hartuko dituen ikuskizunak aletzen joan dira galan zehar bertako konpainia egoiliarrak.

Atzoko gala. IBAN GORRITI

Ohiko programaziotik harago, Jose Sacristan, Charo Lopez, Aitziber Garmendia, Rafael Álvarez ‘El Brujo’ edo Vanessa Goikoetxea izango dira, besteak beste, hogeita bosgarren urteurrena ospatzeko. “Egoera normal batean ez formatu teknikoagatik ezta aurrekontuagatik San Agustinen lekurik izango ez luketen hamar obra ekarriko ditugu. Orain, urteurren honen harira, hemen izango ditugu, gure etxeetatik pauso batera”, adierazi du aretoko arduradun Arantza Arrazolak.

Programazio berezi horretan, alde batetik, Aitziber Garmendia, Ane Gabarain, Iñaki Salvador edota Ander Lipus bezalako aurpegi ezagunak ikusi ahal izango dira.Eta, bestalde, Durangora estatuko antzerki lan handiak iritsiko dira, antzerkizale guztien gozamenerako. Horregatik, urtean zehar, egitarau eta garai bakoitzean ikuskizun bereziez gozatu ahal izango da.

Egitaraua

Aretoko programazioan ‘Man Up’ ikuskizunaz gozatu ahal izango da, Teatro In Vilo konpainiak Centro Dramático Nacional delakoarekin batera ekoitzitako ikuskizuna. Bestalde, Jose Sacristan aktoreak ‘Señora de rojo con fondo gris’ ikuskizuna aurkeztuko du. Adolfo Fernandez aktorea ere etorriko da Durangora, ‘El Nadador de aguas abiertas’ antzezlanarekin. Horiez gain, Rafael Álvarez El Brujo ‘Comico’ ikuskizunarekin etorriko da, eta Vanessa Goikoetxea soprano durangarra ere izango da San Agustinen, 25. urteurren honetarako kontzertu esklusibo batean.

“Kulturaren topagune eder honen 25 urteetan 1.000 konpainia profesional eta 175.000 ikusle baino gehiago igaro gara hemendik. Zifra disdiratsu horien atzean istorio asko daude, hemen gozatu ahal izan ditugunak adina. Eta, azken finean, horixe da San Agustinen helburua: arte eszenikoen eta kulturaren balioen bidez istorioak transmititzeko topagunea izatea. Hori eta maitasuna, maitasun handia,” adierazi dute Ima Garrastatxu alkateak eta Julian Rios alkateordeak.

Uda giro

Aurrez aipatutakoez gain, Aste Santuan ospatuko den Tontolapiko Egunean nazioarteko kale antzerki konpainiarik ezagunetarikoa den Los Galindos konpainia ere izango da. ‘Uda Giro’ programari hasiera emateko, Noxtralamus taldeak aireko akrobazia erakustaldi ikusgarria eskainiko du soka ahulean. Azkenik, Musika Hamabostaldian Sant Andreu Jazz Band talde handia izango dugu.

Ikuskizun horiekin batera, San Agustin Kulturgunearen lehen seihilekoan ikuskizun handiak izango dira: Getari Etxegarai, Aitziber Garmendia, Ane Gabarain, Itziar Atienzaren ‘Bizarrak 2.0’, Ados Teatroaren ‘Muchos amigos negros’, K Produkzioak taldearen ‘El Nadador de Aguas Abiertas’ edota Igor Elortza durangarraren eta Rafa Rueda musikariaren ‘Anonyme Popular’ bertso-musika ikuskizuna.

Ayúdanos a crecer en cultura difundiendo esta idea.

Bilatu