HONA HEMEN PROGRAMAZIOA · ‘Zapatuetan Berriz’ ekimena 21ean itzuliko da
Berrizko Udalak ‘Zapatuetan Berriz’ ekimenaren itzulera iragarri du. Haur eta gazteei zuzendutako aisialdi-programa honek Haur Hezkuntzako 4. Mailatik, Lehen Hezkuntzako 6. mailara bitarteko ikasleak hartzen ditu eta 15 egunean behin egingo da, urtarrilaren 21etik aurrera, 16:00etatik 19:30era.
Programazioa
- Martxoak 12: Herri kirolak
- Martxoak 26: Sormen tailerra
- Apirilak 9: Sukaldaritza tailerra
- Apirilak 30: Herri ginkana
- Maiatzak 14: Txangoa
- Maiatzak 28: Itxiera festa
Aisialdirako gune honen helburu nagusia, aisialdian eta lagunekin euskararen erabilera modu ludiko eta dibertigarrian sustatzea da, eta, aldi berean, ohiko lagun taldeetatik “ateratzea” eta lagun berriak ezagutzea. Horrela, parte-hartzaileei aisialdi hezitzailea eskaintzen zaie; integrazioa, parekidetasuna eta aukera-berdintasuna landuz. Eta horrekin batera, Berrizko ingurunea ezagutzea eta errespetatzea, kultura-aniztasuna sustatzea eta haurren garapen psikomotorra, kognitiboa, kritikoa, emozionala eta afektiboa bultzatzea. Topalekua eskolako patio estalia izango da.
Txanda bakoitzean gehienez 70 plaza egongo dira beraz, beharrezkoa balitz, zozketa egingo litzateke. Egitarauko jarduerak, ordutegiak eta izena emateko formularioa hemen daude eskuragarri. Izena emateko azken eguna urtarrilaren 18a izango da.
Zalantzak argitzeko: zapatuetanberriz@gmail.com
Izen-ematea (PDF 4.06MB)