‘Goiuria ikastola auzolan baten kronika’ liburuak irabazi du Iurretako ‘Sormen beka’

Joan den apirilean ‘Sormen Beka Iurreta’ dirulaguntza sortu zen, kultur sorkuntza bere modalitate guztietan sustatzeko, baita Iurretako ondare historiko eta kulturalarekin lotura duten eta garrantzi berezia duten proiektuak ere. 6.000 euroko dirulaguntza hori,»Goiuria ikastola auzolan baten kronika» liburuari eman dio Udalak.

Aurtengo proiektua Literatura eta Ilustrazio Lanak sailari dagokio eta Kristina Mardaras, Justo Alberdi eta Markel Onaindia izan ditu buru. Proiektu horrek Goiuria Ikastolaren historia kontatzen du, Euskara batzen zuen herritar talde baten talde-lana ikastola bihurtzen den bezala, eta gaur egun Iurretako kultur ondare eta elkarte topagune izaten jarraitzen du.

Dokumentala

Liburuarekin batera, dokumental bat egin da, Durangoko Azokan estreinatuko dena, eta iurretarren artean zabaltzeko bi emanaldi programatu dira abenduaren 20an eta 22an, 18:30ean, Ibarretxe Kultur Etxean. Sarrera doakoa izango da eta aldez aurretik izena eman beharko da kultur etxera joanez, kultur-etxea@iurreta.eus helbidera edo 946200888 telefonora deituz.

Iurretako Udalak irabazleak zoriondu nahi ditu egin duten lan bikainagatik, eta gainerako publikoak animatu nahi ditu «Sormen Beka Iurreta» ren hurrengo edizioetan parte hartzera.