Kultur egitarau zabala izango du Gazte Topagune Sozialistak Durangon igandera bitartean

Mugalari.info

GKS Gazte Koordinakunde Sozialistak eta IA Ikasle Abertzaleek antolatutako egitarauaren barruan hitzaldiak, mahai inguruak, tailerrak, film labur lehiaketa, kirol ikuskizunak, kontzertuak… izango dira.

Elkargune sozialista bilakatu da Durango. GEDAR Langile Kazeta

Besteak beste, J Martina taldea izango da larunbatean, gune nagusian, Landako Erakustazokan. Berak egin du Gazte Topagune Sozialistako abestia

Durangoko Konorte taldeak ere kontzertua eskainiko du Gazte Topagune Sozialistan. Sutegia deitu duten gunean izango da, San Fausto auzoan, larunbat arratsaldean.

Konorte. Iban Gorriti

Lau eguneko topagunean «komunismoaren gaurkotasunaz nahiz gazteok modu independentean antolatzeak duen garrantziaz” eztabaidatu eta hausnarkatuko dute antolatutako ekitaldiez baliatuta.

Landako Gunea. GEDAR Langile Kazeta

Iurretako frontoian, Durangoko institutuan, Tabira eta San Fausto auzoetan, San Antonio eta ikastetxeak, liburutegia, eta San Agustin Kultur Gunea izango dira antolatuko diren ekitaldi guztietarako guneak.