San Faustoetarako kartel lehiaketako irabazleak 900 euro jasoko ditu

Durangoko Udaleko Kultura sailak 2022ko Durangoko San Fausto jaietako kartel lehiaketa aurkeztu du. Artista afizionatuek edo profesionalek parte hartu ahal izango dute lehiaketan, eta egile bakoitzeko gehienez hiru lan aurkeztu ahal izango dira.

Amaia del Amo durangarrak 2016an irabazi zuen. Iban Gorriti

Obra guztiek jatorrizkoak eta argitaratu gabeak izan beharko dute. Lanak aurkezteko, egileak https://partehartu.durango.eus/ helbidean egongo den eskari orria bete beharko du.

Lehiaketaren irabazleak 900 € jasoko ditu, eta kartel irabazlea aukeratzeko bi faseetan egingo da prozesua:

• Epaimahaikideak 7 kartel finalisten aldez aurretiko aukeraketa
• Herritarren bozketa

Lanak aurkezteko azken eguna 2022ko abuztuaren 31 izango da, 14:00etan. Obrak Durangoko Udaleko Herritarrentzako Arreta Zerbitzuan (HAZ), Barrenkalea 17, entregatuko dira. Lehiaketari buruzko informazio gehiagorako telefono bat jarriko da: 94 603 00 30.

Bestalde, irabazlearen kartela 2022ko irailaren 14an argitaratuko da.

• Informazio gehiago: https://www.durango.eus/sanfaustojaiak