Udazken Zornotzako Txistulari Taldeak botako du txupinazoa Amorebieta-Etxanon uztailaren 15ean

Datorren uztailaren 15ean, Karmen egunaren bezperan, Amorebieta-Etxano 2022ko jaietan murgilduko da. Pandemiaren ondoren, zornotzarrek inoiz baino ilusio eta gogo handiagoz hartuko dute aurtengo edizioa. Aurkezpen ekitaldian, Andoni Agirrebeitia alkateak, Luciano Martínez Kultura eta Kirol zinegotziak eta Ainhoa Salterain Gizarte Ekintza eta Berdintasun zinegotziak aurtengo edizioak izango dituen jarduera eta berrikuntzak aurkeztu dituzte.

Udazken Zornotzako Txistulari Taldea.

Andoni Agirrebeitia pozik agertu da Karmen eta Santanatxu jaiak normaltasun osoz ospatu ahal izango direlako: ‘Pozarekin hartuko ditugu egun hauek, pandemiaren bi urte gogorren ondoren normaltasunera itzultzea esan nahi baitu horrek. Gogoratu nahi ditut hemen ez dauden pertsonak eta oso egoera mingarrietan lagun izan dituztenak. Eta aitorpen horretatik, etorkizunera begira jarri eta jaiak pozez eta itxaropenez bizitzera gonbidatu nahi ditut zornotzarrak’. Era berean, 2022ko programaren berri eman aurretik, Agirrebeitiak eskerrak eman dizkie programa hori posible egiten duten pertsona guztiei: ‘eskerrak eman eta azpimarratu nahi ditut, jai-batzordearen bidez eta udal teknikariekin batera, kultura, kirol, ostalaritza, merkatari, auzokide elkarte eta pertsona anonimoek egiten duten lan eskerga. Karmen eta Santanatxu festak jai irekiak dira, guztiok gozatzeko modukoak, elkarrekin bizi eta ondo pasatzeko momentuak izango ditugu egun hauetan’.

Udazken Zornotzako Txistulari Taldearen pregoia

Uztailaren 15ean, arratsaldeko 20:00etan, Udazken txistu taldeak pregoia eman eta txupinazoa botako du. Luciano Martinezek azaldu duenez, hau izango da festetako unerik berezienetako bat: ‘Herriko plaza zornotzarrez beteta ikustea baino modu hoberik ez dago jaiak hasteko, gozatzeko gogoz izango dira. Gainera, aurten Udazken txistu taldearen eskutik hasiko ditugu festak. 25 urte betetzen dira, mende laurdena, musikatik eta tradiziotik gure kaleak alaitasunez eta une onez betetzen dituztela. Aukera paregabea izango da Udalak eta zornotzarrak merezitako omenaldia egin diezaien’. Txupinazoa bota ondoren, Zorhontzako kalejira izango da Ondolan, Iskadi, Bermeoko Kietb, Amorebieta-Etxanoko Udazken Barria eta Etxanoko erraldoi eta buruhandien konpartsekin, eta Udazken eta Zornotzako Musika Bandaren gaitero eta txistulariekin.

Kontzertuak eta ekitaldi kulturalak

Luciano Martinezek gogorarazi duenez, Karmen eta Santanatxu jaiak parte-hartzaileak dira, eta herritar guztientzako jarduerak programatzen dira bertan, gustu eta adin desberdinak kontuan hartuta: ‘modu horretan, eta ohi bezala, kontzertuak eta kultur jarduerak izango dira festen ardatza. Musikak protagonismo handia izango du, hogei kontzertu edo musika emanaldi baino gehiago programatu baitira Zubiondo plazako eta Zelaieta parkeko agertokien artean: Doctor Deseo, Rat-Zinger, Erruki erromeria, Sorotanbele gogoan, Zornotzako Musika Banda, Supercremalleras, Tremenda Jauria, Romea, Merina griss, Dj Romea, La Tropadora, Kilimak, Xabi Aburruzaga, Julen Alonso eta Oinkari Dantza taldea, Camela, Gozategi, Zirkinik Bez!, Esenzian bai, Mariachi Mexico lindo si señor, Jon Allende eta bertsolariak arituko dira Amorebieta-Etxanon’. Era berean, ez dira faltako beste hainbat emanaldi eta kalejira, hala nola batukadak, txarangak, txistulariak, fanfarreak…

Antzerki emanaldiei dagokienez, Martinezek azaldu du plaza zornotzarrak eszenatoki bihurtuko direla egun batzuetarako: ‘mota guztietako publikoentzako antzezlanak programatu dira’. Urtero bezala, danborraden irteerak ere ez dira faltako: nagusia hilaren 24an aterako da, 22:00etan, eta Txiki Otaegi, San Pedro, San Miguel, San Juan, Nafarroa, Ibaizabal, Gudari kaleetatik barrena Herriko plazara iritsiko da. Haurren danborradak, aldiz, uztailaren 26an zeharkatuko ditu Amorebieta-Etxanoko kaleak; 18:30ean Gudari kaletik irtengo da, eta San Pedro, Luis Urrengoetxea, Larrabide, Karmen, Konbenio, Gregorio Mendibil, San Juan eta San Miguel zeharkatuko ditu, Zelaietara iritsi arte’.

Aurreneko dron espektakulua

Gainera, aurten berritasun gisa, dron ikuskizun bat egongo da. Martinezen arabera, Euskadin egiten den lehena izango da: ‘hilaren 25eko su artifizialak ikuskizun horrekin ordezkatzea erabaki da, jaiak inklusiboak izan daitezen. Badakigu su artifizialek ondorio kaltegarriak dituztela animaliengan, autismoa duten pertsonengan edo arrazoi ezberdinengatik osasuntsu ez dauden pertsonengan. Jai Batzordeak apustua egin du Karmen eta Santanatxuak zornotzar guztiak eroso sentituko diren jaiak izateko. Horrela, pixkanaka-pixkanaka ordezkatuko dira arrazoi batengatik edo bestearengatik herritarrengan min objektiboren bat eragiten duten ekintzak. Era berean, datu gisa, gehitu nahi dut ikuskizun honetarako, guztira, 100 dron erabiliko direla ‘.

Kirol ekitaldiak

Martinezek azpimarratu duenez, Karmen eta Santanatxu jaietako beste ezaugarrietako bat egun horietarako programatutako kirol-jarduerak izaten dira: ‘gustu eta adin guztietarako ikuskizunak eta txapelketak egongo dira’. Herri Kirolekin hasita, Ezpeleta eta Basozabal aizkolariak eta Zelai III eta Urrutia harri-jasotzaileak izango ditugu. Bestalde, Amorebieta IV pilotalekuan Morgaetxeberriaren debuta izango da profesionaletan, Lasorekin batera, eskuz binaka, Urrutikoetxea eta Elizegiren aurka. Horrez gain, bola, esku pilota eta pala txapelketak, Euskal Herriko artzain txakurren lehiaketa, arku tiroa, Duatloi txikia, jaietako lasterketa, 3×3 basketa… ere izango dira. Eta azken edizioetan gertatu den bezala, Bizikleta Eguna ere izango da, Urgozo iturria txirrindulari elkarteak antolatuta, zornotzarren artean bizikletaren erabilera sustatzeko’.

Koadrilak

Koadrilak dira jai zornotzarren muina, eta Martinezek azaldu duenez, aurten ere izango dituzte euren gozamenerako antolatutako jarduerak: ‘azpimarratu nahi dut koadrila zornotarrak parte hartzaile aktibo direla jaietan, eta horren erakusgarri dela egun desberdinetarako programatuta dituzten jardueren zerrenda luzea: kalejirak, herri bazkariak, piraguen jaitsiera, marmitako eta play back lehiaketa, altxorraren bila, herri kirolak eta koadrilen arteko arteko wipe out’.

Spotify zerrendak

Martinezek azaldu duenez, nobedade gisa, Amorebieta-Etxanoko Udalak Spotifyko profilean abesti ez-sexisten zerrendak ere jarriko ditu, festetan musika jartzeaz arduratzen diren pertsonek erreproduzitu ahal izango dituztenak: ‘modu horretan, txosnek, ostalaritza arduradunek eta zornotzarrek abesti ez-sexistak izango dituzte eskuragarri, eta jaiez gozatu, dantzatu eta abestu ahal izango dute, inor umiliatu edo kaltetu gabe. Profil horretan Beldur Barik abestien zerrenda edo Zor Hontza abestia ere egongo dira eskuragarri’.

Erasorik gabeko jaiak

Azkenik, Ainhoa Salterain Gizarte Ekintza eta Berdintasun zinegotziak azpimarratu du Amorebieta-Etxanoko Udalak eraso matxistarik gabeko jaiak izatea duela helburu eta Udalak bide horretan egiten duela lan: ‘argi eta garbi esan nahi dugu guztiok dugula jai hauetaz askatasunetik gozatzeko eskubidea, noiz eta nola erabakitzekoa, etxera bakarrik itzultzeko beldurrik gabe bizitzekoa…’. Salterainek azaldu duenez, indarkeria matxistarik gabeko gune bat egongo da Zelaieta parkean: «informazio, harrera eta aholkularitza gunea izango da. Emakumeak eta herritarrak, oro har, indarkeria sexistaren inguruan kontzientziatzeko gune bat. Era berean, indarkeria matxistaren bat jasanez gero, laguntza eskatu ahal izango da bertan. Hilaren 15, 16, 22, 23, 24 eta 27an izango da zabalik, 20:00etatik 00:00etara. Gainera, 722 232 869 telefono-zenbakia ere erabilgarri egongo da lehen aipatutako egunetako 24 orduetan: horrela, edozein intentsitatetako eraso sexistaren baten biktimek deitu ahal izango dute, eta larrialdi egoera horretan esku hartu, informatu eta aholkuak jaso ahal izango dituzte’.

Lehen aipatutako zenbakiez gain, Salterainek gogorarazi du Ertzaintzaren, Udaltzaingoaren eta Larrialdietako Zerbitzuen telefono orokorrak eskuragarri daudela 24 orduetan, urteko egun guztietan, eta baita Eusko Jaurlaritzaren SATEVIren 900 840 111 zenbakia ere: ‘eraso matxistarik gabeko bizitza bizi nahi dugu, eta argi utzi ez hitzak ezetz esan nahi duela’.

A parte de los números antes mencionados, Salterain ha recordado que los teléfonos generales de la Ertzaintza, Udaltzaingoa y Emergencias, así como el numero 900 840 111 de SATEVI, la atención telefónica del Gobierno Vasco, están disponibles las 24 horas, todos los días del año: ‘queremos vivir una vida sin agresiones machistas y dejar claro que No es No’.