Durangoko Orfeoiaren kontzertua zapatuan Abadiñoko San Trokaz elizan

Durangoko Orfeoiak Joseph Haydnen Nelson Meza kontzertua eskainiko du zapatuan, 20:00etan, Abadiñoko San Trokaz elizan.

Orfeoia orkestra eta bakarlariekin arituko da  Fernando Urain Oñederraren zuzendaritzapean. Edukiera kontrolatzeko eta koronabirusaren aurkako segurtasun-neurriak zaintzeko, gonbidapena aldez aurretik jaso beharko da Errota Kultur Etxean nahiz Udal Mediatekan.