Amorebietak Ondareari buruzko Europako Jardunaldiak antolatu ditu 17an eta 24an auzo eskolak ezagutzeko

Ondarearen Europako Jardunaldiak direla eta Amorebieta-Etxanok ibilaldi bat eskaintzen du auzo eskoletatik urriaren 17an eta 24an. Edizio honetarako, «Hezkuntza eta Ondarea» gaia aukeratu da.

Amorebieta-Etxanoko ‘Bizkaya’ren auzo-ikastola’. Iban Gorriti

Aurten, Ondarearen Europako Jardunaldiak ekimenak 20. urteurrena beteko du Bizkaian eta aurten ere, Amorebieta-Etxanoko Udalak parte hartuko du. Oraingo honetan, udalerriko auzo-eskolei balioa emango zaie eta haien jatorria, historia eta egungo erabilerak azalduko dira.

Ondare hau sakonago ezagutzeko, Urko Garamendik azalpen hitzaldia eskainiko digu eta ondoren eskola batzuk bertatik bertara bisitatuko dira autobusez. Hitzordua Zelaieta Zentrotik abiatuko da, urriaren 17an eta 24an, goizeko 11etan.

Programa doakoa da eta lekua erreserbatzea komeni da lekua mugatua baita. Erreserba egiteko beharrezkoa da Zelaieta Zentrora bertaratzea edo 946 300 650 telefonoan erreserbatzea.

Eguna: urriak 17 eta/y 24 octubre

Ordua: 11:00etan

Non: Zelaietan

Gero autobusez joango da auzo eskoletara.

Hizkuntza: Euskara eta gaztelera.

Antolatzailea: Amorebieta-Etxanoko udala

Informazioa eta izen ematea: Zelaieta. 94 630 06 50