Durangoko Bizenta Mogel bibliotekak bere zerbitzu gehienak berrirekiko ditu astelehenean

Deseskaladaren Fase aldaketarekin batera, Durangoko Bizenta Mogel Bibliotekak espazio berriak irekitzeko aukera izango du datorren astelehenetik aurrera. Betiere segurtasun neurriak errespetatuz, erabiltzaileek bildumetara joateko aukera izango dute, eta etxera eraman nahi duten materiala kontsultatu eta aukeratu ahal izango dute. Gainera, ikasgelak irekiko dira.

Oraindik ere aforoa murriztuta egongo da eta maskara eta gelaren erabilera derrigorrezkoa izango da. Oraindik ez da posible izango Hemerotekan eta Komiktekan kontsultak egitea, ez eta bertako ordenagailuak erabiltzea.

Aforoei dagokienez, hauek izango dira:

– Haurtxoteka: 19 pertsona (espazioan, bi metroko distantzia mantenduz, egon daitekeen pertsona kopurua)

– Gazte Biblioteka: 19 pertsona (espazioan, bi metroko distantzia mantenduz, egon daitekeen pertsona kopurua)

– 1. solairua: 50 pertsona (espazioan, bi metroko distantzia mantenduz, egon daitekeen pertsona kopurua)

– 2. solairua: 16 pertsona (ikasteko postuak dira)

– 3. solairuko 1. gela: 8 pertsona (ikasteko postuak dira)

– 3. solairuko 2. gela: 26 pertsona (ikasteko postuak dira)

– 3. solairuko 3. gela: 7 pertsona (ikasteko postuak dira)