Sorginolako Ateneoak ’24 ordu paperean’ jolas literarioa egingo du

Sorginolako Ateneoa

Sorginolako ateneotik idazten dizuegu esateko aurten iaz bezala “24 ordu paperean” jolas literarioa egingo dugula.

Maiatzaren 11-12an, eguerdiko 12:00etatik hurrengo eguneko eguerdiko 12:00etara «24 Ordu Paperean» izeneko sorkuntza jolasa antolatu dugu Durango eta Durangaldeko sortzaileentzako. Jolasak ondorengoan datza:

Zapatu horretako 12etan gai bat eta hitz bat jakinaraziko dira (sare sozialen bidez) eta partaideek testu bat osatu beharko dute hauek abiapuntu hartuta 24 orduan.

Jolas honek, iaz bezala, ekainean argitaratuko den BERBAZ sorkuntza aldizkariari erantzuten dio, jolasean sortutako lan guztiak bertan argitaratuko baitira. Aurtengoa II.alea izango da eta iazkoaren formatu berean aterako bada ere edukiari dagokionean berritasun batzuk izango ditu.

Behean daukazue atxikita deialdia egiteko erabili dugun kartela: