Berton Bertokoa mugimenduak ‘flashmob’ baten grabaketa antolatu du zapaturako

Berton Bertokoa

Berton Bertokoa mugimenduak flashmob baten grabaketa bat antolatu du. Gure eskoletako jantokietan, bertoko produktuak, sasoikoak eta bertan sukaldatuak eskatzeko helburuarekin.

bdr

Horretarako maitzaren 4an, Traña-Matienako eskolan Berton Bertokoa mugimendua osatzen dugun 12 ikastetxeetako familiak batuko gara, “Sukalde bat jantokian” abestiaren erritmoarekin dantzatzeko asmoz.

Arratsaldeko 17:00etan saioarekin hasiko gara eta 18:00tan grabaketari ekingo diogu.

Bertoko produktuekin egindako pintxoak izango dituzue salgai eta Matienako jaiak direnez ez zaigu jaia faltako. Bakoitzaren dantzatzeko gaitasuna alde batera utzi eta indarrak batu ditzagun gure seme-alaben elikadura osasuntsu eta jantokien eredu aldaketa aldarrikatzeko.

Kamiseta pirata jantzi, eskolakoa, pirata mozorroa edo zarata egiten duen sukaldeko tresna bat ekartzeaz ez ahaztu.

Abestiaren koreografia ikusi nahi izanez gero, hemen duzu link-a:

Asko gara apostu  honetan sinisten dugunok

eta batzen joan gaitezen gurekin batera

parte hartzera animatzen zaituztegu!

Eskolako jantokiak aldaketak izan ditzan, zure gorputza mugi ezazu!