Abadiñoko gazteak apirilaren 5ean elkarturko dira Korrika prestatzeko

Abadiñoko gazteek  apirilaren 5ean hasiko dituzte aurtengo Korrikako prestamenak, Abañoko Gaztiek egitarauaren barruan Abadiñoko Udalaren Gazteria Arloak  antolatutako eta Katalamixon taldeak kudeatutako ekimen batean.

Korrika Abadiñotik. ARGAZKIA. Hamaika

Neska-mutilek  pankarta bat egingo dute, zozketaz aukeratuko dute Abadiñon lekukoa eramango duen laguna, eta Korrikarekin lotutako beste zenbait ekitaldi prestatuko dituzte. Bilera hori Errota Kultur Etxean egingo da 17:30etatik 19:30etara bitartean. Izena eman nahi duenak hala egin dezake martxoaren 29ra arte Errotan eta Udal Mediatekan.