Durangaldeko 10 enpresa saritu dituzte kalitate Turistikoarekin duten konpromsiogatik

Durangaldeak SICTED lehiakortasun programan parte hartu zuen lehen aldiz 2018an, Basquetourrek sustatutako turismo kalitatean jomugetan oinarritutakoa. Programa honek enpresa turistikoei laguntzen die, besteak beste, beren kudeaketaren etengabeko hobekuntzan eta bezeroen esperientzia eta gogobetetzea hobetzeko Praktika Egokien aplikazioan, kalitate turistikoaren aldeko apustua eginez.

Banaketa ekitaldia aurreko asteazkenean ospatu zen, otsailak 20, Berrizen, Urkiola Landa Garapenerako Alkartean, Eskualdeko Turismo Kudeaketa eta Lankidetza Erakundearen egoitzan, alegia. Hauek izan dira 2018an Durangaldean bereizitako enpresak SICTED kalitate turistikoarekin duten konpromisoagatik:

1. Alluitz Natura (Abadiño) Esperientziak eta landa turismo tailerrak.

2. Durangoko Turismo Bulegoa (Durango)

3. Eguzki B&B (Durango) Ostatua

4. Elorrioko Turismo Bulegoa (Elorrio)

5. Garaiko Landetxea (Garai) Ostatua

6. Karteruena Landetxea (Berriz) Ostatua

7. Lurra Adventure (Durango) Turismo Aktibo enpresa

8. Oka Landaetxea (Berriz) Ostatua

9. Saltsan Katerin SL (Durango) Catering zerbitzua eta delicatessen produktuak

10. Sinergia 43º SL (Durango) Zerbitzu turistikoak eta gida turistikoa

Orlan Isoird, Berrizko alkateak eta Idoia Buruaga, Elorrioko alkateak, Eskualdeko Turismo Kudeaketa eta Lankidetza Erakundea den Urkiola Landa Garapenerako Alkartearen ordezkari gisa, Durangaldeko 10 enpresa turistikoetako ordezkariei bereizketa-plakak entregatu zizkieten. Bereizketa hori Kalitate Turistikoaren Sistema helmugetan (SICTED) izenekoak emandakoa da etengabeko hobekuntzarekin eta eskaintzen duten zerbitzuaren kalitatearekin duen konpromisoagatik, 6 hilabeteko prestakuntza eta ebaluazioa gainditu ondoren.

DIPLOMA · Urkiola Landa Garapenerako Alkarteak, diploma bereizgarri bat ere jaso zuen eskualdean SICTED (turismo-helmuga baten kalitatearen kudeaketarako sistema integrala eta etengabea ematen duen programa) ezartzeko konpromisoaren eta ahaleginaren aitortza gisa.

Idoia Buruagak eta Orlan Isoirdek, Urkiola Landa Garapenerako Alkartearen ordezkari publiko gisa, enpresa hauek zoriondu zituzten kalitate turistikoaren alde egindako lana eta erakutsitako konpromisoagatik.

Bestalde, aipatzekoa da ere Durango eta Elorrioko Turismo Bulegoek ere 2018an, Basquetourrek bultzatutako Jardunbide egokien programa IKTen (informazio eta komunikazio teknologia) erabileran bereizgarria lortu zutela.