EH BILDU · Durangoko auzoko parke berriaren inaugurazio herritarra

Legegintzaldi honetan hasitako dinamika jarraituz, EH Bildutik auzo asanblada deitu dugu hurrengo asteazkenean, urriak 24, 18:30 Antso Estegiz, San Frantzisko eta Juan de Itziarreko biztanleekin. Kasu honetan, aurreko auzo asanblada batetik irtendako eskakizun bat bete dela ospatzeko.

ARGAZKIA · DURANGOKO EH BILDU

Esan bezala, aurrez eginiko auzo asanblada baten eskatu zen Antso Estegiz atzean kokatzen zen parkea berriztu eta auzotarren erabilerarako atseginagoa egitea. Eskaera hori udalera eraman zen eta gaur da eguna auzoan egokitutako parke berri bat dagoela. Hau auzotarrekin inauguratu eta honek izan ditzaken hobetu beharreko gauzei buruz mintzatzeko, auzo asanblada berri bat deituko dugu egokitu berri den parkean bertan.

Gai hau jorratzeaz gain, auzoan arazo diren beste gai batzuk ere tratatuko dira, hala nola, Matute plazaren egoera, aparkaleku falta, Antso Estegiz kalearen egoera,…

Horrela, Antso Estegiz, San Frantzisko eta Juan de Itziarreko herritarrak gonbidatzen ditugu hurrengo asteazkenean, urriak 24, 18:30tan parke berrian (San Frantzisko eskolan euria eginez gero) ospatuko den auzo asanbladan parte hartzera.

Deialdi honetaz gain, hurrengo aste eta hilabeteetan Durangoko beste auzo askotara joateko intentzioa dugu: Aramotz, Murueta Torre/Ibaizabal, Sasikoa/San Inazio, Alde Zaharra,… Datak hurbildu ahala, joango gara asanblada egunak zehazten.