Indarkeria matxistaren aurkako herritarren itunak 300 sinadura ditu dagoeneko Sapubike txirrindularitza taldearen babesaren ostean

Durangoko Udalaren berdintasun sailak bultzaturiko indarkeria matxistaren aurkako herritarren itunak 300 sinaduratik gora lortu zituen joan den asteburuan Tabirako jaietan Durangoko Sapubike txirrindularitza taldearen babesari esker.

Foto de familia tras la Sapubike del pasado fin de semana. PHOTO. Cortesía de Tomi Sánchez

Sinadurak “Sapubikek” antolaturiko mendi lasterketaren inguruan erdietsi ziren. Lasterketa iragan igandean egin zen, Durango inguruko mendietan 40 kilometroko ibilbidea eginez mendiko bizikletan. Batez ere, gizonezkoek hartu zuten parte lasterketan, lehiatzen batzuk eta  antolakuntza-lanetan gainerakoak. 68 boluntarioen artean, emakumeak 15 baino ez ziren izan; eta 325 lasterkarien artean 6 emakumezkok baino ez zuten parte hartu.

Berdintasun saileko zinegotziak itunaren indarra nabarmendu zuen eta, halaber, indarkeria matxistaren aurka bilduriko gizonezkoen konpromisoa ere zoriondu zuen. “Aipatzekoa da, parte-hartzaile ia guztiak gizonezkoak izan badira ere, horrenbeste sinadura biltzea eta 500 eskumuturreko banatzea. Oso pozik gaude jendearen parte-hartzeaz indarkeria matxistaren aurkako borrokan. Sapubike taldearen konpromisoa eta lankidetza eskertu nahi ditugu, harremanetan jarri baitziren berdintasun sailarekin Herritarren Ituna elkarrekin lantzeko”.