Abadiñoko Udalak erosketa txartelen kanpaina barri bat abiatuko du irailean

· Epea zabalik dago uztailaren 16ra arte, nahi duten merkatariek izena eman dezaten

Abadiñoko Udalak uztailaren 16ra arteko epea zabaldu du herriko saltegiek bat egin dezaten erosketa txartelen kanpaina barriarekin.

Kanpaina horren barruan, Udalak 5 euroko 1.000 txartel edo bonu banatuko ditu irailaren 1etik aurerra, kanpainarekin bat egiten duten denda eta saltegietan 15 eurotik gorako erosketetan erabiltzeko, Abadiñoko Udaleko Merkataritza, Turismo eta Landa Garapeneko zinegotzi Iñaki Rekaldek esan duenez. Rekaldek azpimarratu duenez, hirugarren urtea da Udalak kanpaina hau antolatzen duela herritarrak bultzatu nahian herriko saltegietan erostera. Iaz 25 dendak hartu zuten parte kanpainan.