Eskiatzeko irteera antolatu dute Iurretako Zaldai eta Atxondoko Asuntze mendi taldeak elkarlanean

Izaskun Ellakuriaga

Otsailaren 16tik 18ra, Formigaleko eski estaziora irteera proposatzen dute, Sabiñanigoko aterptxe batean pertsio erdian ostatua hartuta.

Bi egunetako ostatua, joan-etorrirako autobusa eta bi egunetako forfaita barne egongo dira ordaindu beharrekoan. Bazkideek 125 euro, bazkide ez diranek 130 euro, eta gurasoekin doazen 10 urtetik beherako umeek 65 euro.

Ostiral arratsaldean (otsailak 16) irten eta igande iluntzean (otsailak 18) izango da joan-etorria.

Izena ematea otsailaren 12ra orduko egin behar da zaldi@hotmail.com helbide elektronikora informazioa eskatuz.