Abadiñok Berdintasunaren aldeko batukada bat antolatu du

Azaroaren 25eko Emakumearen aurkako Indarkeriaren kontrako Nazioarteko Egunaren karietara, Abadiñoko Udaleko Berdintasun Arloak batukada bat antolatu du azaroaren 18an, Txanporta plazan, 10:00etik 13:00ra bitartean, «Berdintasunaren erritmoan» lelopean. Izena emateko epea zabalik dago azaroaren 10era arte. 

Yanire Moreno. · ARGAZKIA · I. Gorriti

Berdintasun Arloko zinegotzi Yanire Morenok esan duenez, batukada horrekin “tresna bat eskaini nahi da emakumeen jabekuntza pertsonal eta kolektiboa bultzatzeko. Asmoa da kalea hartzea, fisikoki eta doinuz, eta emakumeek eurek sortutako musika erabiltzea jendeari entzunarazteko  indarkeria matxistaren gaitzespena eta errefusa».