Zaldibarren eta Garain izango dira bisitak asteburuan Durangaldean Ondarearen Europako Jardunaldietan

I. Ellakuriaga

Zaldibarren larunbatean eta Garain igandean, Durangaldeko paisaiak gertutik ezagutzeko aukera emango digute astebururako antolatutako bi bisitek (urriaren 7an eta 8an).

Zaldibarren, landare mintegiek, zoroetxeak edota Zaldibar dorretxeak herriaren paisaian izan duten eraginaz berba egingo dugu.

Garain, 300dik gora ardi bildu ditzakeen artea bisitatzeko aukera izango da eta eguneroko soinuak identifikatzeko tailerra egingo da.

Leku kopuru mugatua dagoelako, aurrez izena eman behar da ejardunaldiak@gmail.com helbidera idatzita edota 673 005 981 telefono zenbakira deituta.