Bederatzi dantza taldetako 250 bat ume arituko dira domekan Abadiñoko Umeen Jaialdian

Mugalari

4-12 urte bitarteko 250 bat umek hartuko dute parte datorren domekan Abadiñoko Talde Batuak dantza taldeak antolatutako Umeen Jaialdian. Dantzari gazte horiek Durangaldeko Udabarri, Tronperri, Iluntze, Andra Mari, Besaide, Andasto, San Lorenzo, Iremiñe eta Talde Batuak taldeetako kideak dira.

Goizean kalejira bat egingo dute Abadiñoko kaleetan eta ondoren dantzan arituko dira han-hemen. Herriko familiekin bazkaldu ondoren, arratsaldean saio nagusia eskainiko dute Ferialekun.