SORGINOLA: «Uztailaren 1era Durangoko gazte guztiak Tabirara hurbiltzera animatzen ditugu»
Testua · Sorginola
Bigarren urtez jarraian Fundifest ospatuko dugu. Fundifest Sorginola gaztetxearen urteurrena da, 2015eko ekainaren 27an Durangoko hainbat gazte gure proiektuak gauzatzeko espazio baten bila ibili ostean Fundifes eraikin zaharra berreskuratu genuenetik ospatzen den jaieguna.
II. edizio honek iazkoak baino egun bat gutxiago izango duen arren egitarau oparoa eskainiko dugu. Urte osoan zehar eraikitakoaren fruitua eta hemendik aurrera etorriko denaren hazia izatea nahi dugu.
Fundifesten antolaketan parte hartzea bultzatzeko asanblada irekiak egin ditugu maiatzean zehar. Tabirako jai eta auzokideekin batera ospatuko dugu Fundifest, horretarako jai batzordearekin ere harremanetan egon gara, egitarauko puntu batzuk elkarlanean osatu ditugularik.
Ekainaren 27tik Uztailaren 1era Durangoko gazte guztiak Tabirara hurbiltzera animatzen ditugu. Gaztiok Fundiziñuen teilatupera!
Ekainaren 27a:
– 19:00tan: Fundifesten hasiera, pregoia
– 19:15 Mural margoketa
– 21:00tan afaria
– Afalostean gaubela
Ekainaren 29:
– 19:00tan «Laborathegia»
Ekainaren 30a:
– 11:00tan: Musika gela eraikitzera
– 11:00tan: Liburutegia eraikitzera
– 17:00tan: Durango pizteko asanblada
– 18:30tan: Perkusio
– 18:30tan: Dantza tailerra
– 22:00tan: HEXEN, ESTRICALLA (sarrera doan)
Uztailak 1:
– 11:00tan: Tabirako marmitako lehiaketa
– Bazkal ostean bingo musikatua
– 19:00tan tabiran kontzertue (T.P.K)
– 20:00tan: kalejira
– 21:00tan: pintxo jana gaztetxean
– 22:00tan: THE VAN, ALERTA, ALBERT CAVALIER eta DJ ZENN
