Amorebieta-Etxanoko Emakume Nekazari eta Artisauen XX. Azokan parte hartzeko izena emateko epea zabalik

Mugalari

Amorebieta-Etxanoko Udalak martxoaren 7an egingo den Amorebieta-Etxanoko Emakume Nekazari eta Artisauen XX. Azokan parte hartzeko izena emateko epea zabaldu du.

ARGAZKIA · Amorebieta-Etxanoko Udala

Emakumeen Nazioarteko Egunaren, martxoaren 8aren inguruan, kokatua, Euskal Herriko hainbat lekutatik etorriko dira emakumeak produktu aukera zabalarekin: ogia, gozogintza, marmeladak, fruta-gozokiak, barazkiak, zeramika, arropak edota birziklatutako osagarriak.

· Epea · Izena emateko epea gaur zabaltzen da, urtarrilak 16 eta otsailaren 10era bitartean zabalik egongo da.  Azokan ikusgai izango diren produktuak emakumeek eginak izango dira eta emakumeek izango dituzte ikusgai, betiere egoitza Euskal Herrian dutelarik.

Eskariak Amorebieta-Etxanoko Udaleko Berdintasun Sailean aurkeztu beharko dira eta  aukeratutako artisauei beranduen jota, otsailaren 20an egingo zaie jakinarazpena.

Publizitatea 

Durangoko Merinaldearen Amankomunazgoa

Eskatu hitzordua!