‘Jokoan’ jaialdia egingo da Amorebieta-Etxanon asteburuan

Mugalari

Topaketa zazpigarren edizio honetan berriro ere Zelaieta Zentroan izango da, mahai-joko modernoetan oinarrituta aisialdirako beste aukera bat eskaini nahian adin guztiei. Jokoan jaialdiak hainbat gune ditu parte-hartzaileen adinaren arabera bereiziak: 4 eta 9 urte arteko umeei zuzendutako familiarentzako txoko bat, etxeko txikienekin jolasteko aukera emango duena eta ludoteka orokor bat, nagusientzako, adin mugarik gabe.  Jaialdiaren ordutegia ondokoa da: 11:00-14:00etara eta 16:00-20:00etara eta sarrera doakoa da.  

Iaz 1.200 lagun baino gehiagok parte hartu zuen jaialdian eta aurten jende gehiago hurbilduko dela itxaroten da 40 ekintza baino gehiago antolatu baitira. Horien artean ondokoak daude: uharte bat esploratu, gaztelurik zoragarriena eraiki, Star Warseko ehiza-hegazkin bateko pilotu izan, … etab.

Edizio honetan, “joko serioak”, hau da, ondo pasatzeko helburuaz gain bestelako helburuak dituenak, paper garrantzitsua izango du “Gaur denok jolastuko gara” proiektuaren aurkezpenarekin, beharrizan berezien eta dibertsitate funtzionalaren arloan lan egiten duten elkarteei zuzendutako aisialdi inklusibo baterako proiektua.  Programa honek mahai-jokoa erabiltzen du elkarte hauetako erabiltzaileak ahalduntzeko eta autonomia emateko. Honen berri izan nahi duten guztiak antolatzaileekin harremanetan jarri beharko dira.

· Txikigunea · Beste berritasun bat txikigune sortu izana da. Jolasaren bidez estimulazio jardueretarako gune bat da, etxeko txikienentzat prestatu dena (1-4 urte). Ekitaldia Ametxek antolatu du eta tailerrak, salmenta postuak, mahai-jokoen arloko nobedadeen aurkezpenak, txapelketak, mahai-jokoen zozketak eta euskara sustatzeko gune bat ere egongo dira.  Guztira 40 jarduera baino gehiago eta 100 jolas baino gehiago dituen ludoteka bat izango dira bertaratzen direnentzat.

Informazio guztia ondoko web orrian aurki daiteke: www.jokoan.com