Abadiñoko udalak Atzerkiño antzerki jaialdia berreskuratu du
Mugalari
· Jaialdia azaroaren 5etik 26ra bitartean izango da eta Euskadiko lau konpainia amateurren lana ezagutaraziko du
Bizkaiko eta Gipuzkoako lau antzerki taldek hartuko dute parte azaroaren 5etik 26ra bitartean Errota Kultur Etxean Abadiñoko II Antzerkiño Antzerki Jaialdian. Udalak eta Abadiñoko Banarte taldeak elkarrekin antolatutako jaialdi horrek ezagutzera eman nahi ditu Euskadiko antzerki talde amateurren lana, Kultur Arloko zinegotzi Eneko Etxebarriak gaur esan duenez. Emankizunak 20:00etan izango dira eta sarrera 5 euro kostako da.
Errota Kultur Etxean egindako prentsaurreko batean Eneko Etxebarriak esan du aurtengo ekimen honekin Abadiñoko Udalak berriren berri jartzen duela martxan 2011ko otsailean Durangaldeko antzerki taldeen lana ezagutarazteko antolatu zuen jaialdia. Banarte taldeko Rafael Herce Perez aldemenean zuela, Etxebarriak azpimarratu zuen zeinen garrantzitsua den herritarrek ezagutzea konpainia horien lana, eta dei egin zien herritar guztiei jaialdiko ekitaldietan parte hartzeko. «Udal gisa behartuta gaude eskaintza aberatsa proposatzeko, jendeak aukera izan dezan ezagutzeko ez bakarrik antzezlan ezagunak baina baita ere Euskadiko talde amateur askok oholtzara eramaten duten pasio bizi eta lan ederra. Aurtengo Antzerkiño jaialdia lan horren erakusgarri izango da», esan du.
Eneko Etxebarria eta Rafa Herce. · ARGAZKIA · Abadiñoko Udala
Egitarauari hasiera emanez, azaroaren 5ean Zallako Antifaz Antzerki Taldeak «Contigo aprendí» komedia antzeztuko du, matxismoaren aurkako aldarri bat zeinetan gizon batek gaizki ekarritako hiru emakumek elkar hartzen duten gizonari bere engainuen ordaina emateko.
· Edgar Allan Poe · Azaroaren 12an, Ortuellako Fierabrás antzerki taldeak Edgar Allan Poeren «In vino veritas: tributo a Edgar Allan Poe» lana taularatuko du, funtsean Poeren lan zenbaitekin osatutako irakurketa dramatizatu sorta bat, biolontxeko musikarekin girotua.
Azaroaren 19an, Altsasuko Tarima Beltza Teatroa taldeak «Falstaff no cree en la otra vida» tragikomedia eskainiko du, ihauteri eta umore beltzekoz giroan kokatutako heriotzari buruzko gogoeta bat.
Jaialdiari amaiera emanez, Arrasateko Doke Antzerki Taldeak «Aingeru ala Kurriloi» lana eskainiko du. Bertan kontatzen zaigu nola iloba ezezagun baten etorrerak hankaz gora jartzen duen bi ahizparen bizimodu lasaia. Iloba horren amak gurasoen etxetik alde egin behar izan zuen haurdun geratu zenean.
Banarte taldeko Rafael Herce Pérezek azpimarratu du jaialdiak herritarrengandik sortutako kultur lana erakusten duela. «Kultura gizakien garapen integralaren osagai ezinbestekoa dela uste duten gizon eta emakumeengandik dator zuzenean, hartan buru berlarri parte hartu nahi duten pertsonengandik, ez dutenak izan kulturaren hartzaile pasibo soilak baina orobat igorle eta sortzaile aktiboak. Antzerkia, kultura, maitasun hutsez sortua, eguneroko zailtasun guztien gainetik, eta helburutzat daukana dinamizatzea, komunikatzea eta besteengana iristea. Handi eta gora izan nahi duen eraikin baten oinarria».
