Abadiñoko Udalak zabaldu du aisialdiko ikastaroetan izena emateko epea

Mugalari

Irailaren 28an zabaldu da Abadiñoko Udalak 2016-2017. Ikasturterako antolatu dituen aisialdiko ikastaroetan izena emateko epea. Guztira bost ikastaro antolatu dira: argazkilaritza digitala, pintura, yoga, aerobic, zunba, sukaldaritza eta aretoko dantzak, Kulturako zinegotziak, Eneko Etxebarriak, gaur adierazi duenez.

Eskolak hainbat lekutan emango dira: Errotan, Txanporta Kultur Etxean, probalekuan, Astolako igerilekuan, Matienako erabilera anitzeko aretoan Zalduerreka txokoan. Eskola guztiak urritik ekainera bitartean emango dira, salbu sukaldaritzakoak, hauek urtarrilean amaituko baitira. Ikastaroen prezioa, bataz beste, hauxe da: herrian eroldatutakoentzat, 135€da, hiru zatitan ordaintzekoak; eta herritik kanpokoentzat, 180€. Izena emotea Errotan eta Udal Mediatekan egin daiteke.

Eneko Etxebarriak esan du aurreko urteetan arrakasta gehien izandako ikastaroak egingo direla aurten, eta animatu ditu herritar guztiak parte hartzera, zeren, “ikasi, ariketa fisikoa egin eta nork bere zaletasunak lantzeaz gain, aukera izango dute-eta denbora atsegina igaroteko eta lagun barriak egiteko».

GOGORATU!