DURANGALDEKO GAZTEAK · Kritika soziala egiten duen bideo laburra kaleratu dute

Mugalari

“Durangaldeko gazteok irakiten, borrokak bor-borka!” leloarekin sare sozialetan gazteen lan baldintzei buruzko ikus-entzunezkoa zabaldu du Ernaik. “Bizitzeko lan egin edo lan egiteko bizi? Altxatu edo eserita segi? Ni edo gu? Gu edo haiek?” moduko itaunak plazaratu dituzte. Enpresa handiei egindako kritika jaso dute, prekarietatea salatuz eta sistemak bereziki gazteok kolpatu dituela azpimarratuz. Horren aurrean, gazteak batzeko deia luzatu dute.