GIPUZKOAKO ITZULIA · Gontzal Garcia Beste Alde La Tostadorako txirrindularia indartsu

Mugalari

Gontzal Garcia Beste Alde La Tostadora-ko txirrindulariak Andoainen egin zen Gipuzkoako itzuliko hirugarren etapa irabazi zuen. Etapak 93 kilometro eta 2 mendate izan zituen (Andazarrate eta Xoxoka). Ihesaldi batzuk egon ondoren Andoaineko helmugara 11 txirrindulari heldu ziren.

Bertan Gontzal Garciak sprint luze baten ondoren garaipena lortu zuen Unai Iribar (Limousin Cartonajes) eta Juan Esteban Lozanoren (Caramelos El Caserio) aurretik.

Hirugarren etaparen ondoren Duranguesako txirrindulariak bostgarren jarri da sailkapen orokorrean 35 segundutara liderrarengandik (Xabier Maiza).