ARTEAREN EZAUPIDEA · Maturreko egoeretako literatura izango da aurtengo zikloaren ardatza

Izaskun Ellakuriaga

13.edizioa beteko du “Artearen Ezaupidea zikloak. Datozen hiru ostegunetan, arratsaldeko 7etan, izango dira saioak Durangoko Arte eta Historia Museoan. Lehenengo saioa bihar izango da Katixa Agirre idazlearen eskutik. Anne Frank-ek eguneroko bat zergaitik idatzi zuen galderari erantzuten saiatuko da.

Anne Frank.

Egoera zailetan edota zuzenean giza gaitasunaren mugetan idatzitako obrek hartuko dute lekua apirileko solasaldietan. Bigarren saioan, apirilaren 14an, Javier Mina idazleak gaztelerazko solasaldian autore batzuek jasaten duten madarikazioaz jardungo du. Azken saioan, berriz, apirilaren 21ean, Jaime Azpiunza Euskal Herriko Unibertsitateko filosofía irakaslea izango da gonbidatua. Jaimen Azpiunzak Inre Kertész literatura nobelduna elkarrizketatzea lortu zuen. Nazien exterminio-esparruetako lekukoa eta kronista izandakoarekin izandako harremanaz hitzegingo du.