ATXONDON AUZOLANA · Dozena bat laguni esker 2000 euroko aurrezpena

I. Ellakuriaga

Atxondoko Udalak egindako auzolan deialdiari dozena bat lagunek erantzun zieten zapatuan. Apatamonasterioko elizostean eta eskola inguruan bideko zuloak konpondu eta inguruak txukundu zituzten. Auzolanean egindakoari horri esker, udalak uste du, 2000 eurotik gorako aurrezpena egin dutela. Horregaitik, hurreratu ziren guztiei, “herriarentzat egindako ekarpen garrantzitsuagatik” eskerrak eman dizkie Atxondoko Udalak.