Asteartea,
2024ko Apirilak16

MugaKultura

loader-image
Durango
11:23 pm,
temperature icon 11°C
Humidity 97 %
Ráfagas de viento: 28 Km/h

HAMABI HARRIEN AHOTSA | Gerediagak elkartearen mende erdiko historia eta istorioak batu ditu liburu baten

Izaskun Ellakuriaga Mugalari 6

Izaskun Ellakuriaga

Asteazken honetan, iluntzeko 19:00etan, Durangoko Kurutzesantu museoan egingo du Gerediaga Elkarteak liburuaren aurkezpena jendeaurrean. Hala ere, domekan, Astolara hurbildu eta elkartekoekin “Topa!” egin zutenek izan dute aukera argitalpena eskuartean hartzeko, labetik atera berri izan zen eta 50. Urteurreneko jaian.

Gerediaga_liburuazala

Gerediaga Elkartearen historia dago jasota liburuan, baita Durangaldekoa ere. Izan ere, Gerediaga Elkartea eta Durangaldeak eskutik egin dituzte azken 50 urteak. Liburua erreza da irakurtzen. Jon Irazabalek batu ditu historiari dagozkion datu garrantzitsuenak. 80ko hamarkadatik elkarterako lanean ibili izanak askorako balio izan dio zeregin horretan. Raquel Calvo kazetariak, berriz, datu osagarriak bilatu ditu elkarteko artxiboetan eta protagonisten lekukotzat batu ditu. Bien artean, 190 orrialdetako liburua egituratu dute. Argazkiek ere garrantzia handia dute argitalpen honetan. Asko, sekula argitaratu bakoak dira. Liburua euskaraz argitaratu da, baina gaztelerazko itzulpena eranskin modura dauka azken orrietan.

| 15 eurotan | Asteazkenean aurkeztu eta datorren astetik aurrera Durangaldeko ohiko liburudendatan eskuratu ahal izango da 15 eurotan. Bazkideek, elkarteko bulegoan, 10 euroko prezioan eskuratu ahal izango dute. Aukera polita da liburua eskuratu eta irakurtzea. Gomendagarria Durangaldeko historia ezagutu nahi duen edonorentzat. Asko harritu egingo da, Gerediaga Elkarteak bere historian zehar zenbat ekimen diferente aurrera ateratzeko bidelagun izan den.

Hona hemen, karamelu modura, liburuaren lehen kapitulua.
http://bit.ly/1T9kBxm
Ayúdanos a crecer en cultura difundiendo esta idea.
Etiquetas: , ,

Bilatu