Ba al zenekien Euskal ereserkia etengabe agertzen dela Frantziako edizioetan?

Gernikako Arbola Kantuz Elkartea

1946 urtean, Henry Panneelek Ganich de Macaye. Gentilhomme basque argitaratu zuen, Ganix Antxordoki kontrabandista ospetsuaren biografia. Karlistaldiko irudi batean, egileak soldadu nafarrak ikusten zituen “Guernikako Arbola zoragarria kantatzen, foruen aldeko ereserkia, karlistaldiko kantua (…) ahapaldi hunkigarri horien bidez eta soiltasun eder baten bidez, Euskal Herri osoaren sentimendu abertzalea harrotu zuena”.

“Horizons de France” bilduman, Visages du Pays Basque liburua agertu zen, Tillacek dotore ilustraturiko liburua. Ipar Euskal Herriko hiru lurraldeak jo zituen begiz bakarrik, baina horrek ez zuen eragotzi hauxe ere adieraztea: “Herri horren lurralde mugatutik haraindi, euskal herriak sorterri komuna ikusten du… eta abesti bikain batek haien abertzaletasun sutsua uzten du agerian, Gernikako Arbolan adierazia”. Berriz ere letrak frantsesera itzuli zituen: “Arbre béni, aimé des Basques, répands ton fruit dans le monde: nous t´adorons, arbre vénérable”.