Abuztuko uda mina

MAITE ATUTXA


Gogor jotzen duzu Eguzki Ahaltsuak

ez duzu parkatzen inor abuztuan,

eskerrak udako haize leunak

laguntzen gaituela hartzen  freskura.


Gogotsu  disfrutatzeko udaz

egun bero eta sargoritsuaz,

etzanda zelai belartsuan

gainean zuhaitz ostotsuaz 

eta ez bada nahikoa, ur preziatuaz!


Kilker abeslariek gaueko isiltasuna

apurtu egiten dute eta ipurtargiek iluntasuna,

haritzen arteko haizearen eta ilargiaren laguntzaz

eta ur gazi-gezaren soinuaz eta ekaitzen argiaz.


Udako gau  distiratsua

kotoizko izaren artean zein belar berde eta mardulean,

laztanduz bihotz guztiak

pozarren eta inolako erretserbaz.


Abuztu hasierako bero sutsua

San Lontzoko negar-anpuluak,,

bete egiten dutenean dirdiraz eta bristadaz, zerua

eta beroak desegin egiten duenean errepideko mundruna.


Denek amets egiten dugu

erreka garden eta emaritsuaz,

freskaturik txopoen arteko haize leunaz 

arintzeko uda kartsuaren berotasuna.


Udara beroa eta luzea

urdailea tximeletaz betea,

txoriak buruan daudenean

eta loreak eskuetan.


Besarkadak luzeak

eta musuak lapurtu egiten direnean,

sekretuak gorde egiten ditugunean 

zazpi giltz eta kandadu menpean!