Amorebieta-Etxanoko Epaltza auzoak bihar emango dio hasiera jaietako egitarauari

MUGA JAIAK

Bihartik, abuztuaren 28tik, irailaren 4ra bitartean, jai giroa nagusituko da Amorebieta-Etxanoko Epaltza auzoan. Astebeteko egitarauan adin guztietarako proposamenak izango dira, musikatik eta bertsolaritzatik hasi eta jolas eta lehiaketetara.

Trikitilari eta DJen saioek zein bertsolariek emango diote erritmoa programazioari. Horrez gain, umeentzako jolasak eta haur zein helduentzako hainbat jarduera antolatu dituzte. Lehiaketen artean, mus txapelketa, tortilla eta kroketa lehiaketak, rana txapelketa eta bolo partidak izango dira.