Belatxikietako Jaiak 2026: tradizioa, musika eta giro aparta 31n
MUGA JAIAK
Belatxikietako jaiak 2026 ospatuko dira uztailaren 31n, ostirala, San Inazio Deunaren egunean, eta egun osoko egitarau zabala prestatu du Belatxikieta Elkarteak, Amorebieta-Etxanoko Udalaren laguntzarekin. Harrera, meza, trikitilariak, aizkolariak, mariatxia eta arratsaldeko musika girotua izango dira protagonista, eta antolatzaileek adin guztietarako festa giroa bermatu nahi dute.
Jardunaldia 10:00etan hasiko da harrerarekin, eta 11:30ean egingo da meza.
12:00etan, musikak eta herri-kirolek hartuko dute lekukoa. Alde batetik, trikitilariak ariko dira:
- Dare Morgaetxebarria
- Adrian Ivanov
Ordu berean, aizkolarien erakustaldia ere izango da, honako parte-hartzaileekin:
- Julen Mendieta
- Xabier Garcia (Utxu)
- Done Intxausti
- Manex Izagirre
- Garazi Izagirre
Eguerdiko egitarauari amaiera emateko, 13:00etan, Pantxo Balbuena mariatxia igoko da oholtzara. Ciudad de México-tik etorriko den artistak doinu mexikarrak eskainiko ditu Belatxikietako ikusleen gozamenerako.
Arratsaldean, 15:00etatik aurrera, jaiak aurrera jarraituko du musika girotuarekin, egun osoan festa giroa mantentzeko.
Gainera, antolatzaileek gogorarazi dute txosna, bokatak, kafea eta musika egun osoan izango direla bertaratzen diren guztien eskura.
Belatxikieta Elkarteak ohar baten bidez jakinarazi duenez, euria eginez gero, antolatzaileek programazioa aldatzeko edo bertan behera uzteko eskubidea izango dute.
Belatxikietako jaiak, beraz, tradizioa, kultura, herri-kirolak eta musika uztartuko dituen hitzordu garrantzitsua izango da uztailaren 31n. Antolatzaileek herritar guztiak eta bisitariak parte hartzera gonbidatu dituzte, egun berezi honetaz elkarrekin gozatzeko.
