Durangaldeko Broken Salad taldearen kontzertua atzeratu dute Plateruenan

Taldeko kideetako baten gaixotasuna dela eta, Durangaldeko Broken Salad taldeak ostiral honetan, abenduaren 26an, Plateruenan eskaintzekoa zuen kontzertua ez da egingo. Emanaldia Durangoko Gabonetako egitarauaren barruan zegoen aurreikusita.

Antolatzaileek jakinarazi dutenez, kontzertua aurrerago berreskuratuko da, eta data berria laster emango dute ezagutzera. Durangoko Udalak barkamena eskatu du aldaketak sor ditzakeen eragozpenengatik, eta eskerrak eman dizkie ekitaldira joateko asmoa zuten guztiei.