Bizkaiko Bertsolari Txapelketako azken saioa prest: 8 finalistetatik 3 Durangaldekoak

Durangaldeko ordezkarien presentzia azpimarratu behar da Bizkaiko Bertsolari Txapelketako finalean: zortzi finalisten artean hiru dira eskualdekoak—bi Abadiñotik, Txaber Altube eta Aitor Bizkarra, eta bat Durangotik, Gorka Pagonabarraga—eta euren lana eta maila ezinbestekoak izango dira final handi honetan.

Abenduaren 20an jokatuko da Bizkaiko Bertsolari Txapelketako finala, lehen aldiz Kasillan, 17:00etan. Bilbon egindako aurkezpenean finalistak elkartu dira: Aitor Bizkarra, Aitor Etxebarriazarraga, Gorka Pagonabarraga, Jone Uria, Oihana Bartra, Onintza Enbeita, Txaber Altube eta Xabat Galletebeitia. Guztiek adierazi dute gogotsu eta prest iritsi direla hitzordura.

Belate Olabarriak, Bertsozale Elkarteko presidenteak, eskerrak eman dizkie txapelketan aritu diren guztiei, antolakuntzan zein boluntariotzan lan egin dutenei, baita aretoak bete dituzten bertsozaleei ere. Arantza Plaza izango da txapela jarriko duena, eta berarentzat “ohorea” eta “opari ederra” dela nabarmendu du.

Finalistez gain, Idoia Anzorandia eta Igor Menika ariko dira gai-jartzaile; epaimahai osatua izango da, eta idazkari lanetan Itziar Basterretxea eta Itxaro Juaristi arituko dira. Finalak giro ederra eta maila handia ekarriko duela aurreikusi dute parte-hartzaile guztiek.