Jon Gorroño durangarrak sortu du euskarazko lehen tarota: ‘Urkiol’

MUGA KULTURA

Urkiol, euskaraz sortutako lehen tarota, Durangon jaio da.

Jon Gorroño Urkiolan. JON GORROÑO

Jon Gorroño durangarrak sortu du Urkiol, euskal mitologia eta herri-imaginarioa oinarri dituen tarota. Jokoak hausnarketa eta inspirazioa uztartzen ditu, emozioak eta barne-ahotsa lantzeko tresna gisa. 2025eko azaroan argitaratua, euskaraz sortutako lehen tarot bilduma da. “Euskal istorioak eta sinboloak gure egunerokoan berriz konektatzeko modu bat da”, azaldu du sortzaileak.