Aitor Etxebarriazarraga gernikarrak irabazi du Abadiñoko finalaurrekoa
MUGA BERTSOLARITZA
Abadiñoko Probalekuan jokatu zen atzo bigarrengo finalaurrekoa eta zuzenean sailkatu da Etxebarriazarraga bigarrengo bueltako finalaurrekoetara. Abadiñoko Probalekuan giroa bero egon zen, bertsozalez lepo. 500 entzule baino gehiago egon ziren bertan. Lan puntuagarri guztiak egin ostean, Aitor Etxebarriazarraga gernikarra izan zen puntu gehien batu zituena: 651,5 puntu.
Beraz, Bermeoko finalaurrekora zuzenean sailkatu da, azaroaren 15ean jokatuko dena. Gainontzeko bertsolariek, puntuazioaren arabera izango dute finalaurrekoen bigarrengo bueltan kantatzeko aukera.
Honela geratu dira saioko puntuazioak:
- Aitor Etxebarriazarraga Gabiola: 651,5
- Txaber Altube Sarrionandia: 607,5
- Gorka Pagonabarraga Agorria: 604,5
- Unai Mendiburu Valor: 600
- Maite Sarasola Isazelaia: 562
- Enare Muniategi Etxabe: 552
Saioan gai-jartzaile beharretan Igor Menika Bengoetxea aritu da. Epaile, ostera, hauek izan dira: Ainhoa Arregi Elosua, Ander Arrien Aspiazu, Garazi Mendoza Agirre, Iñaki Aurrekoetxea Arkotxa, Jurgi Fuentes Goikoetxea, Marta Ortiz Mateo eta Miriam Juaristi Urizar. Idazkari lanetan Itxaro Juaristi Olaetxea egon da.
