SAN MIGEL DUDEAKO JAIAK · Bost egun musika, mozorro eta gozamenez beterik!

Dudeako auzoa jai giroan murgilduko da irailaren 25etik 29ra bitartean, San Migel jaiak ospatzeko. Bost egun hauetan haur, gazte eta helduentzako jarduera anitzak izango dira, musika, antzerki, mozorroak eta jokoak tarteko.

Ostegunean, hilak 25, txupinazoarekin hasiko dira ospakizunak, eta egun osoan zehar pintxo poteoa, mus eta tortilla txapelketak, haurrentzako animazioa eta musika zuzenean eskainiko dira. Herri-bazkariak, bingoa eta bestelako ekitaldiak ere izango dira, auzoko guztien parte-hartzea sustatzeko.

Igandean, hilak 28, errifaren zozketa egingo da, eta astelehenean, San Migel egunean, ohiko meza ermitan ospatuko da. Meza amaitzean, trikitilarien laguntzazko luntx batekin emango zaio amaiera bost eguneko jaiari, giro alai eta festaz beterik.