Mallabiko Zapatuero bueltan Mallabin Maruri-Jatabe eta Larrabetzura irteerekin

Udaren amaierarekin, bueltan da Zapatuero aisialdi-ekintza. Mallabiko Udalak jarraitzen du belaunaldi berrien arteko topaketak, parte-hartzea eta ikaskuntza sustatzen. Ekimenak gazteei zuzendutako espazio bat sortzen du, non tailerrak, jarduera kulturalak eta kirol-ekintzak garatzeko aukera izango duten. Irailaren 27an, larunbatean, bi ekintza eskainiko dira adin-tarte ezberdinetako gazteei zuzenduta.

Bitxos: Natura eskolara irteera (Maruri-Jatabe)

Irailaren 27, larunbata, txikienek Maruri Jatabeko “Bitxos” natura eskolara irteeran parte hartzeko aukera izango dute; bertan, bertako fauna animalia exotikoak ezagutzeko aukera izango dute. Irteera autobusez egingo da pretiletik, hau da,  udal parean dagoen aparkalekutik, 15:45ean, eta itzulera 19:00etan izango da.

Airsoft esperientzia (Larrabetzu)

Nerabeek “Soldados de Juguete” instalazioak bisitatuko dituzte, non airsoft jarduera gidatua egingo duten. Parte hartzaileek estrategia, talde lana eta trebetasun fisikoak landuko dituzte giro seguru eta hezigarri batean. Irteera Petriletik egingo da, 15:45ean, eta itzulera 19:00etan izango da.

Mallabiko Udalak haur eta gazteentzat zuzendutako irteerak antolatzen jarraitzen du, ikaskuntza eta aisialdia sustatzen dituzten ekintzetan, espazio segurua eta aberasgarria eskainiz, eta euren garapen pertsonala bultzatuz. Helburua da gazteek aukera izatea esperientzia berriak bizitzeko, talde-lana garatzeko eta aisialdian gozatzeko, udalerriko eta inguruko herrietako gazteen artean harremanak eta konfiantza eraikiz.