Elorrio, Euskal Herriko gurutze multzorik bikainena gordetzen duen herria

MUGA ONDAREA

Elorrion oso ezagunak dira bederatzi gurutze historikoak, Euskal Herriko multzorik handiena eta kalitatezkoena osatzen baitute. 2010-2020 hamarkadan, Udalak lan handia egin zuen: gurutze guztiak dokumentatu, zaharberritu eta herritar zein bisitarientzat turismo produktutzat bihurtu, liburu eta plano baten bidez.

Hala ere, euriak eta denborak harria zikindu egiten dute, eta horregatik 2024an Santa Ana garbitu zuten bigarren aldiz. Aurten, 2025ean, Txanberiko gurutzea izan da txandakoa. Bi errestauratzaile eta ondarean aditua den arkitekto batek garbiketa, pitzaduren konponketa, gatzaren kontrola eta berrintegrazio kromatikoa egin dituzte, azkenik hidrofugatzaileekin babestuta.

XVI. mendearen amaierako harribitxi hau berriz ere tente dago Elgetarako bidean, bisitariei ongietorria emanez. Lanaren kostua 7.707,70 eurokoa izan da, eta Bizkaiko Foru Aldundiaren laguntza izan du Udalak esku-hartzerik onena egiteko.